1Jo 3 | TNN | STEP | !Oteplan-tu! !Nolkeikeən itəm tepət mahgoau kəm kitat, itəm Tata Uhgɨn təmos-ipa, inun, məmə tətaun-in kitat məmə nenətɨn mɨn! Kən nɨpahrienən məmə kitat əh. Netəmim rəha nətueintən kəsotɨtunən kitat, məto-inun ilat kotəruru Uhgɨn.

1 John 3

Itəmat u nenətɨ Uhgɨn mɨn

1 !Oteplan-tu! !Nolkeikeən itəm tepət mahgoau kəm kitat, ^{▼▼3:1Jon 3:16} itəm Tata Uhgɨn təmos-ipa, inun, məmə tətaun-in kitat məmə nenətɨn mɨn! ^{▼▼3:1Jon 1:12} Kən nɨpahrienən məmə kitat əh. Netəmim rəha nətueintən kəsotɨtunən kitat, məto-inun ilat kotəruru Uhgɨn. ^{▼▼3:1Jon 15:21; 16:2,3} 2 Nɨkik mɨn, kitat nenətɨ Uhgɨn mɨn u-roiu. Kitat kəsotɨtunən məmə okotəhrol nulan motol pɨsɨn nian Kristo otɨtəlɨg-pa. Məto kitat kotɨtun məmə nian otɨtəlɨg-pa, ^{▼▼3:2Kol 3:4; 1 Jon 2:28} kitat okotahmen lan, ^{▼▼3:2Rom 8:29; 2 Pita 1:4} məto-inu e nian əh, okotəplan əsas məmə in tol nəhlan. ^{▼▼3:2Jon 17:24; 2 Kor 3:18} 3 Kən etəmim itəm tatagɨle məmə otahmen e Kristo, in tətaruətuəh rəkɨs ^{▼▼3:3Tətaruətuəh, nɨpətɨn u, tɨtafəl rəkɨs.} in atɨp nolən mɨn rəhan, ^{▼▼3:32 Kor 7:1; 1 Jon 1:7; 2 Pita 3:13,14} məto-inu Kristo in mɨn in tətuatɨp wɨr agɨn.

4 Etəmim itəm tatol nolən rat, in tatətgəhl mɨn lou rəha Uhgɨn, məto-inu nəghatən u nolən rat, nɨpətɨn u, nətgəhlən lou rəha Uhgɨn. 5 Kən itəmat nəkotɨtun məmə Kristo təmuwa məmə otos-irəkɨs rəhatat nolən rat mɨn, ^{▼▼3:51 Jon 3:8} məto-inu nolən rat tɨkə lan. ^{▼▼3:52 Kor 5:21} 6 Tol nəhlan, okəmə kitat koatəper-ipən lan, tol-pən okol kəsotəkəikeən e nolən rat mɨn. Məto netəm mɨn un itəm koatəkəike əh e nolən rat mɨn, tol-pən kotəruru agɨn-əh in, məsotəplanən in. ^{▼▼3:61 Jon 3:9; 2:4; 5:18; 3 Jon 1:11}

7 Nɨsualkələh, sotətəlɨg-inən suah kit teiuə-in itəmat o nat u. Etəm tatol nat ətuatɨp, nɨpətɨn u məmə in etəm ətuatɨp, tahmen əm e Kristo in etəm ətuatɨp. 8 Məto etəmim itəm tatəkəike əh e nolən rat mɨn, tatəgətun məmə in rəha Setan u, etəm təmatol nolən rat e nətuounən. ^{▼▼3:8Jon 8:44} Məto Nətɨ Uhgɨn təmuwa o nərəkɨnən wək mɨn əh rəha Setan. ^{▼▼3:8Hip 2:14} 9 Netəm mɨn u itəm kəmotaiir wi mɨn motuwa nenətɨ Uhgɨn mɨn, ^{▼▼3:9Jon 1:13} ilat okol kəsotəkəikeən e nolən rat, ^{▼▼3:91 Jon 5:18} məto-inu ilat koatos niamɨtə rəha Uhgɨn. Kən o nat u, okol ilat kəsotəkəikeən e nolən rat, məto-inu ilat nenətɨ Uhgɨn mɨn. ^{▼▼3:9Nɨkuti nat tatəwiə noe-in atɨpən noan. E suatɨp kitiəh əm, Uhgɨn tatələhəu-pən rəhan niamɨtə e suah kit, kən in tatəwiə tahmen e nɨkuti nat itəm kəməfe e nəmegəhən rəha etəmim un, kən matoe in noan e nolən mɨn rəha Uhgɨn. Tol nəhlan, netəmim mɨn u itəm kəmotaiir wi mɨn motuwa nenətɨ Uhgɨn mɨn, ilat kəsotəkəikeən e nolən rat.} 10 Tol mə, kotɨtun nənən məmə pah mɨn u nenətɨ Uhgɨn, ^{▼▼3:101 Jon 3:1,2; Jon 1:12} kənu pah mɨn u nenətɨ Setan. ^{▼▼3:101 Jon 3:8} Etəmim u itəm təsol ətuatɨpən, kən in məsolkeikeən pian kit, ^{▼▼3:101 Jon 2:9; 4:8} in sənəmə nətɨ Uhgɨn kit.

Kitat kotəike motolkeike kitat mɨn

11 Nəghatən u inu, nəmotəto e nətuounən e namnusən təwɨr, ^{▼▼3:111 Jon 2:7} məmə kitat okotəike motolkeike itat mɨn. ^{▼▼3:11Jon 13:34-35; 15:12; 1 Jon 4:7,11,21; 2 Jon 1:5} 12 Sotolən tɨkɨrɨ Ken, itəm in etəmim rəha Setan kən tohamnu pian. ^{▼▼3:12Jen 4:8} ?Kən təmohamnu pian o naka? Təmohamnu məto-inun rəhan nolən mɨn tərat kənu rəha pian, nolən mɨn in tətuatɨp. ^{▼▼3:12Prov 29:10} 13 Piak mɨn, narmɨtəmat təsiwɨg pɨkən okəmə netəmim rəha nətueintən u koatetəhau itəmat. ^{▼▼3:13Jon 15:18,19; 17:14} 14 Okəmə kitat kotolkeike piatat mɨn, tatəgətun məmə kitat kɨnotaprəkɨs-in rəkɨs nɨmɨsən, mɨnotegu-pən e nəmegəhən. ^{▼▼3:14Jon 5:24} Məto etəm un nolkeikeən tɨkə lan, in tətatɨg əh e nɨmɨsən. ^{▼▼3:141 Jon 2:9} 15 Etəmim un itəm tatetəhau pian ^{▼▼3:151 Jon 2:9} in tahmen e etəm tatohamnu itəm, ^{▼▼3:15Mat 5:21,22; Jon 8:44} kən itəmat nəkotɨtun məmə iohamnu itəm, in təsosən nəmegəhən lilɨn. ^{▼▼3:15Kal 5:20,21}

16 O nat u kitat kotɨtun wɨr məmə nolkeikeən in tol nulan, məto-inun Iesu təmos-ipa rəhan nəmegəhən otat. ^{▼▼3:16Jon 10:11} Kən e nolən kitiəh əm, təwɨr mə kitat mɨn kotos-ipən nəmegəhən rəhatat o piatat mɨn. ^{▼▼3:16Jon 15:13; 1 Tes 2:8} 17 ?Okəmə suah kit rəhan natɨmnat tepət kən pian kit rəhan nat kit tɨkə, məto in təsasəkitunən pian, ^{▼▼3:17Dut 15:7,8; Jem 2:15,16} məsolən nat agɨn lan, nolkeikeən rəha Uhgɨn otəhrol nulan matɨg e suah u? ^{▼▼3:171 Jon 4:20} 18 Nenətɨk mɨn, pəs kitat kəsotənən nolkeikeən e nohlɨtat əm, məto okotol əp nolkeikeən pahrien e nolən mɨn rəhatat. ^{▼▼3:18Esik 33:31; Rom 12:9} 19 Okəmə kotol nəhlan, kən nat əpnapɨn okəmə kotəto-pən e nɨkitat məmə okotos nalpɨnən, məto kitat okotɨtun məmə kotatɨg e nɨpahrienən, kən mem məha-məha nɨkitat e nɨganəmtɨn. Məto-inu Uhgɨn in ilɨs maprəkɨs-in nɨkitat, kən in tɨtun natɨmnat rafin.

21 Piak mɨn, okəmə kotəto-pən e nɨkitat məmə okəsotosən nalpɨnən, kitat okəsotagɨnən e nɨganəmtɨ Uhgɨn, ^{▼▼3:21Efes 3:12; 1 Jon 5:14} 22 kən motos natɨmnat rafin ron itəm koatətapəhin-pən, ^{▼▼3:22Mat 7:7} məto-inu kitat koatol nəwian ^{▼▼3:22Jon 14:15} kən moatol nolən itəm in tolkeike. ^{▼▼3:22Hip 13:21} 23 Kənu nəghatən u rəhan tatən məmə kotəkəike motahatətə e Nətɨn, ^{▼▼3:23Jon 6:29} Iesu Kristo, ^{▼▼3:23Jon 1:12; 3:18; 20:31} kən motolkeike kitat mɨn, tahmen məmə inu in təmən mihin kəm itat. ^{▼▼3:23Jon 13:34} 24 Netəm mɨn u itəm koatol nəwian, ^{▼▼3:241 Jon 2:3} ilat koatəper-ipən lan, ^{▼▼3:241 Jon 2:6; 4:15} kən in tatəper-ipən elat. Kən kitat kotɨtun məmə in tətatɨg e nɨkitat, məto-inun Narmɨn Rəha Uhgɨn itəm in təmos-ipa, in tatəgətun kəm kitat. ^{▼▼3:241 Jon 4:13}